ទិសដៅទី១ ផ្តោតលើការគាំទ្រការផ្លាស់ប្តូរទៅកាន់ឧត្តមសិក្សាចាប់ផ្តើមពីក្នុងដំណាក់កាលមធ្យមសិក្សាទុតិយភូមិ។ ក្នុងកម្រិតភូមិសិក្សានេះគឺជាអំឡុងពេលដែលសំខាន់សម្រាប់សិស្សានុសិស្សត្រូវធ្វើការសម្រេចចិត្តលើអាជីពរបស់ពួកគេ។ នៅដំណាក់កាលនេះ តួនាទីរបស់គ្រូបង្រៀនមានសារៈសំខាន់ណាស់ក្នុងការធានាថាសិស្ស និងគ្រួសាររបស់ពួកគេ ជាពិសេស សិស្សដែលមកពីមជ្ឈដ្ឋានខ្វះខាត ត្រូវតែទទួលបានព័ត៌មាន និងការណែនាំត្រឹមត្រូវ និងទាន់ពេលវេលា។ សិស្សទាំងអស់ចាំបាច់ត្រូវទទួលបានការគាំទ្រ ក្នុងដំណាក់កាលនេះ ហើយរឹតតែពិសេសសម្រាប់សិស្សមកពីក្រុមងាយរងគ្រោះ។ គម្រោង START Cambodia នឹងបង្កើតព័ត៌មានដែលរៀបចំឡើងជាពិសេស និងធនធានវិធីសាស្ត្របង្រៀន សម្រាប់លោកគ្រូ-អ្នកគ្រូនៅកម្រិតមធ្យមសិក្សាទុតិយភូមិ យកទៅប្រើប្រាស់ និងអភិវឌ្ឍទំហំមេរៀន(ម៉ូឌុល)បណ្តុះបណ្តាលគរុនិស្សិត និងគ្រូបង្រៀន ដើម្បីស្វែងយល់ពីរបៀបដែលពួកគេអាចជួយតម្រង់ទិស និងគាំទ្រសិស្សឱ្យបានល្អបំផុតក្នុងដំណាក់កាលអន្តរកាលនេះ។ អ្នកជំនាញ NIE និស្សិតបរិញ្ញាបត្រ និងអង្គភាពពាក់ព័ន្ធនៅកម្រិតមធ្យមសិក្សាទុតិយភូមិ នឹងធ្វើការរួមគ្នាលើសកម្មភាពទាំងនេះ។